AFRICOR LUGO

Asociación Provincial de Gandeiros de Lugo
para o Control de Rendementos

Novas

VISITA A XENETICA FONTAO

01 / Julio / 2010

Esta visita tivo como obxectivo principal dar a coñecer aos traballadores de Africor Lugo o traballo que se está a desenvolver tanto no Centro de testaxe como no Laboratorio de Xenética Molecular, así como os novos proxectos e o que éstes poden aportar nun futuro próximo ós gandeiros.

A visita comezou cunha charla no salón de actos, donde se expuxo a importancia deste Centro como o maior de España así como a importancia do traballo realizado polos controladores e gandeiros para que sexa posible probar touros e levar a cabo programas de mellora xenética.

Logo puideron visitar os laboratorios, donde se realizan análises de ADN, base das probas de paternidade, freemartín ou detección de enfermidades xenéticas, así como os laboratorios de procesado e envasado do semen, salientando o estricto control de todo o proceso dende a extracción do seme ata o envasado das doses.