RESULTADOS XVII CONCURSO DE CHANTADA 2008

25 / Octubre / 2008

Concurso marcado polas ausencias das ganderías de A Mariña, polas restriccións sanitarias de Lingua Azul, que deixaron fora a gandarías que sen dúbida darían moito xogo no concurso, quedando en 76 o número de animais presentes no concurso, dun total de 17 gandarías.

Se ben con menos animais que outros anos, o nivel dos participantes foi espectacular. Puidemos volver ver o duelo de Lee´s de Pozo e Capón, e un precioso lote de vacas de Blanco, cunha destacada Champion, como vaca nova.

O xuíz, D. Jaime Serrabasa, moi na súa liña, cunhas explicacións claras e convincentes, valorou moito os sistemas mamarios, onde todas as primeiras de sección levaron o premio ao mellor ubre.

As vacas de Pozo, Capón, Blanco e Outeiro foron as que levaron os grandes premios, mentres que en xatas destacaron os mesmos animais que xa o fixesen no Concurso de Criadores de Sarria, celebrado no mes de maio. Foron as gandarías Perrelos, Pozo, Capón e Cancela, as gandarías que coparon os premios de xatas e xovencas.

concurso de xatas

Cancela presentou unha sorprendente Cancela Buckeye Lenor, xata campiona do concurso, un animal moi anguloso, con moi boa calidade de óso, un colo limpo e unha cabeza moi expresiva.

CANCELA BUCKEYE LENOR	POZO LOURO MINA 6801
PERRELOS AMADA BOTAFOGO	CAPÓN SEPTEMBER DIXI
PERRELOS AMADA BOTAFOGO - XOVENCA GRAN CAMPIONA

A xovenca campiona foi Perrelos Amada Botafogo, cunha boa combinación de estrutura, fortaleza e angulosidade, salientando a súa costela longa e profunda.

VISTA XERAL

En vacas novas, Blanco fixo pleno coa Champion e a Shottle. Jaime Serrabasa describiu á Champion como "soberbia de pés a cabeza", cun sistema mamario espectacular unido a unha moi boa estrutura.

ALIZEE CHAMPION 6370

BOS BLANCO SHOTTLE AGRIA ET

En intermedias, Blanco volveu levar o campionato cunha Gibson, seguido de Pozo cunha Allen, ambas as dúas con moi bos sistemas mamarios e tremendas estruturas.

UGIBSA 2468

POZO ALLEN 5275 MIMOSA

En adultas, que incluíu unha sección de produción vitalícea superior a 50.000 quilos, destacou a Lee de Pozo. Estaba tremenda, cun ubre impresionante e a súa perfecta conformación, características que a fixeron mellor vaca de Galicia no rexional do 2007.