Concursos · Resultados anteriores

 

Xercas Cav Djalma Stormatic, foi elixida como mellor vaca do concurso, tras conseguir ser elixida no mes de abril, Vaca Gran Campiona de MOEXMU 2009. O xuíz salientou dela o seu caracter leiteiro, as patas e por ter un ubre moi equilibrado e con moita corrección en todas as súas partes. No campionato de adultas impúxose á Rita de gandería Blanco, un animal cunha tremenda estrutura, por ter mellores aplomos. 

As ganderías Perrelos, de Taboada e Rei de Miñotelo, de A Pastoriza, tamén acadaron os títulos de Vaca Xoven Subcampiona e Vaca Intermedia Subcampiona respectivamente. A Botafogo de Perrelos quedou por detrás da Goldwyn de gandería Silva (Pontevedra), ao faltarlle algo de madurez no seu sistema mamario, cunha mellor definición das súas inserccións, sendo un animal con moi boa estrutura e moi boas patas. No campionato de intermedias, a Champion de gandería Blanco (Pontevedra) impúxose á September de Rei de Miñotelo, a pesar do extraordinario estilo da lucense, pero a mellor profundidade de ubre da de Blanco e a súa altura fixeron gañadora á vaca de Pontevedra.

Participaron no Concurso un total de 88 animais, dos que 45 eran da provincia de Lugo.

As ganderías de Lugo acaparan todos os campionatos do concurso de xatas e xovencas