RESULTADOS CONCURSO DE MOEXMU 2009

04 / Abril / 2009

Nova edición de MOEXMU, con bo tempo e moito público na sesión de tarde.

Partciparon 93 animais de 28 ganderías. O xulgamento do concurso estivo a cargo de D. José Manuel Simoes Dias, da Asociación Holstein de Portugal, sendo a primeira vez que un xuiz portugués xulga un concurso en España.

vista xatas

O concurso iniciouse coas seccións de xatas e xovencas, resultanto Xata Campiona Nodi Affirmed Lola, de gandería Nodi, de Barreiros, unha xata que gañou con facilidade na súa sección, destacando o seu arqueamento de costela e grupa. Posteriormente o xuíz a faría Gran Campiona de Xovencas.

NODI AFFIRMED LOLA - XOVENCA GRAN CAMPIONA

A Xovenca Campiona do concurso foi Sandamil M.S. Decker Melany, da gandería Sandamil, de Castro de Rei. Esta xovenca presenta gran potencia no seu tercio anterior, con fortaleza de lombo e moi boa colocación de patas.

SANDAMIL MS DECKER MELANY - XOVENCA CAMPIONA

FARRUQUIÑO ROUMARE VELETA

CAPON-HOLSTEIN GOLDWYN MARISA

Pola tarde chegou o turno das vacas en lactación, resultando Gran Campiona de Vacas Xercas Cav Djalma Stormatic, de Sat Cavadas, de Xermade, unha vaca de 5 anos que tamén foi a Vaca Adulta Campiona. Esta vaca é irmá do touro en espera de proba de Xenética Fontao, Xercas Cav Djalmo September.

XERCAS CAV DJALMA STORMATIC - GRAN CAMPIONA DE VACAS

Durante toda a tarde os asistentes puideron observar unhas vacas excepcionais, como a Vaca Nova Campiona, Rey 425 Esquisita September, da gandería Rei de Miñototelo, unha vaca moi estilosa, cun ubre posterior moi ancho e con bo ligamento.

REI 425 ESQUISITA SEPTEMBER - VACA NOVA CAMPIONA

Outra vaca que tamén causou sensación foi Cid Gibson María, que acadou o título de Vaca Intermedia Campiona, da gandería Cid, un animal con moita fortaleza, moi boa costela e ligamento.

CID GIBSON MARIA - VACA INTERMEDIA CAMPIONA

O Mellor Criador foi a gandería Rei de Miñotelo, de A Pastoriza, quedando en segundo lugar a gandería Outeiro, de Chantada.

GANDERIA REI DE MIÑOTELO - MELLOR CRIADOR

Por puntos, o Mellora Rabaño, tamén foi para a gandería Rei de Miñotelo, sendo segundo Mellora Rabaño a gandería Pozo, de Lugo.

Como gandería de Nova Participación, o premio foi para o Centro de Recría Anoca, acadando un primeiro e un segundo posto de sección, nesta a súa primeira participación en Moexmu.

Salientar que nesta edición incluíronse como novidades unha sección para vacas de primeiro parto menores de 26 meses, así como outra de vacas con produción vitalícea superiro a 50.000 quilos de leite.

RESULTADOS COMPLETOS