Novas

POXA EN CASTRO RIBEIRAS DO LEA

01 / Marzo / 2008

Poxa de xovencas de Castro Ribeiras do Lea organizada por o Concello de Castro de Rei e AFRICOR-LUGO.

Primeira poxa do ano, celebrada no Mercado Gandeiro de Castro Ribeiras do Lea, no concello de Castro de Rei, Lugo, co seguinte balance:

Animais ofertados:                   16

Animais vendidos:                    16

Volume total de vendas:           36.700 €

Prezo medio de salida:             1.631 €

Prezo medio de venta:             2.294 €

O prezo medio de 2.294 €, foi alto para a época do ano, xa que neste mes os prezos tenden a estar máis baixos, sendo de 2.085 € o prezo en marzo de 2007, pero sen chegar aos 2.700 € cos que se pechou a poxa de Monterroso de decembro do ano pasado.

O animal que acadou o prezo máis alto foi Marey Outside Anduriña, unha filla de Outside que presentou a gandería Marey Castro, de Pol, de 25 meses de idade, preñada do 17 de xuño de 2007 con Goldwyn, pola que se chegou a pagar 3.100 €.

A xata do sorteo, da Granxa Gayoso Castro, foi para a gandería SAT Cheirega, de Cospeito

As entidades implicadas na organización e patrocinio da poxa foron Africor-Lugo, o Concello de Castro de Rei e Consellería de Medio Rural, coa colaboración de Xenética Fontao e a Granxa Gayoso Castro - Deputación Provincial.

O perfil do animal ofertado nesta poxa foi unha xovenca próxima ao parto, preñada de 8,0 meses, de 24,6 meses de idade, cunha nai cunha produción media de 10.076 quilos de leite e unha cualificación morfolóxica de 78,6 puntos. Salientar que nesta poxa presentáronse os animais coa media de idade máis baixa dos últimos anos, xa que a idade media ven estando en torno aos 26 meses.

Todos os animais presentados nestas poxas proceden de explotacións cualificadas sanitariamente.
A maiores todos os animais presentados están analizados no mes anterior á poxa fronte a IBR (anticorpos), BVD (anticorpos e antíxeno), Paratuberculose e Neosporose, debendo resultar negativos a BVD Ag, BVD Ac P80, Paratuberculose e a Neosporose. As nais das xovencas tamén deberán ser negativas a Paratuberculose e a Neosporose.