Novas

Poxa Gandería OUTEIRO

04 / Mayo / 2013

Na gandaría Outeiro, de Chantada, celebrouse a segunda poxa con animais exclusivos desta gandaría, cumpríndose as expectativas de venda, dada a alta calidade dos animais presentados.

Presentáronse oito animais, unha xovenca próxima ao parto e sete vacas de leite, das que tres eran de primeiro parto.

Todos os animais presentaban moi altas producións e cualificacións morfolóxicas, o que fixo que o prezo medio chegase aos 2.500 €. Na anterior poxa, no mes de novembro, o prezo medio foi de 2.592 €.

  OUTEIRO XACOBEO KATANIA

Outeiro Xacobeo Katania foi a vaca que alcanzou o prezo máis alto, 3.600 €. Esta filla de Xacobeo, de primeiro parto, cun ICO de máis de 2.700 puntos, parida do 11 de marzo, con nai Goldwyn MB 85 e avoa Juror MB 87, procedente da familia de Mansion Valley Cora, unha vaca americana MB 86.

Con esta poxa, son xa catro as organizadas este ano por Africor Lugo, cun prezo medio de 2.148 €.