Novas

POXA CHANTADA - Resultados

10 / Marzo / 2018

Na primeira poxa do ano na provincia, presentáronse 19 animais, que acadaron un prezo medio de 2.084 €, no mesmo nivel que o do ano pasado nesta feira.

O volumen de vendas acadou os 39.600€, e seguiuse a tendencia dos últimos anos, donde as primerizas teñen preferencia, tanto na oferta como na demanda, sobre as xovencas próximas ao parto. Así, o prezo medio das primerizas foi de 2.113 €, namentras que o das xovencas foi de 1.975€.

                                                                       VILA TORREL LANA 499

Das vacas, a que acadou o prezo máis alto foi a presentada pola gandería VILA, de Nadela, Lugo, unha filla de Torrel, parida de xaneiro, da familia da Bos James Lana, que chegou aos 2.650€.

                                                               MAREY TORREL CEAN

Igualmente foi unha Torrel a xovenca de maior prezo, 2.550 €, neste caso da gandería MAREY CASTRO, de Pol, preñada de Supertoro, con nai MB 85, con máis de 85.000 quilos de leite en sete partos.

Foi unha poxa moi concurrida, con compradores de Lugo e Pontevedra, desenvolvida nun ambiente de festa, como é a Feira do Viño de Chantada. A seguinte poxa celebrarase na Moexmu, en Muimenta, o 7 de abril.