Novas

POXA CHANTADA - RESULTADOS

17 / Marzo / 2025

O sábado 15 de marzo tivo lugar unha nova poxa de gando frisón en Chantada, un concello con unha importante gandería, que sempre apostou por este tipo de eventos como dinamizadores do sector.

Esta poxa organizada polo concello de Chantada en colaboración coa cooperativa Aira e Africor Lugo, tamén contou coa axuda dos servizos veterinarios da Consellería do Medio Rural que realizan aos animais todas as probas necesarias para presentalos coas máximas garantías, ademais está era a primeira poxa que contaba cunha axuda aos compradores de 200 euros grazas a Caixa Rural Galega, que deste xeito quere apoiar a un sector que consideran estratéxico e favorecer a mellora das explotacións mediante a incorporación de animais de raza pura, con carta e unhas boas condicións sanitarias como garantía de futuro. A esta axuda hai que engadir a tradicional colaboración de Xenética Fontao, que obsequia aos compradores cun lote de doses, neste caso 3 doses de Milord e 3 de Gabeiras.

Presentados 14 animais entre vacas e xovencas foron adxudicados 13 cun prezo medio de 2.723 euros, como ben sendo habitual, as vacas tiveron un prezo medio máis elevado de 2.889 euros.

O prezo máis elevado foi para dúas primeirizas procedentes de Sarria, Neiras Gero 4313, da gandería Neiras filla de Gero e recén cualificada con 86 puntos foi adquirida pola gandería Ancami de Paradela, a outra Lacpi Brave 0457 273 da gandería Lacpi quedou en Chantada ao ser adxudicada a gandería Raxino.

A nivel de xovencas o prezo máis elevado foi para Capón – Holstein Roztac Cuca, unha fermosa xovenca presentada pola gandería Capón Holsetein de Chantada que marchou para a gandería Serra de Sarria.

Catálogo