Novas

Mellores ganderías da provincia

04 / Abril / 2006

Con motivo da XX edición de MOEXMU 2006, AFRICOR-LUGO vai a conceder unhas mencións honoríficas ás ganderías máis salientables da provincia de Lugo, segundo os datos recollidos no ano 2005.

O acto terá lugar o domingo día 9 de abril, durante a entrega de premios do Concurso de Gando Frisón, ás 13,30 h. no recinto feiral de MOEXMU, en Muimenta, Cospeito, Lugo.

Trátase de facer un recoñecemento a aquelas ganderías que traballan pola mellora da raza frisona, en busca duns animais máis rendibles para a produción de leite e á vez máis lonxevos, que permitan producir leite, de boa calidade, durante moito tempo.

Deste xeito, premiarase as seguintes ganderías:

1. Gandería de maior produción media de leite por vaca

Gandería Costureiro, de Pape, Sarria. (12.656 Kg.) 

2.  Gandería de maior media de cualificación morfolóxica

Gandería Pena, de Saavedra, Begonte. (85,8 puntos) 

3. Gandería de maior puntuación por índices xenéticos

Gandería Perrelos, de Castelo, Taboada. (ICO 1.400)