Novas

Freo na produción de leite

06 / Julio / 2015

A produción de leite das ganderías en Control leiteiro da provincia de Lugo no mes de xuño mantívose nas 75.800 toneladas/mes, cantidade similar a xuño do ano anterior.

A tendencia de abril e maio foi a de aumentar a produción, tras a non limitación das cotas, pero neste mes de xuño os baixos prezos, por debaixo dos custos de produción en moitos casos, fixeron que se modere a produción, situándose nos mesmos niveis que vai un ano.

Respeto do pasado mes de maio, produciuse un descenso de 865 toneladas, en base a diminuir a cantidade de concentrado que se lles administra aos animais, xa que o número de vacas mantense en cifras similares a meses anteriores.

As explotacións en Control leiteiro da provincia de Lugo supoñen o 30% do total de ganderías da provincia, pero producen o 71% do leite.