Lexislación · Normativa

Contrato homologado

12 / Mayo / 2009

Orde do 5 de maio de 2009 pola que se prorroga a homologación do contrato-tipo para a compravenda de leite cru de vaca.

Mediante a Orde do 30 de maio de 2008 homologouse o contrato-tipo para a compravenda de leite cru de vaca.

O artigo 9 da Lei 2/2000, do 7 de xaneiro, reguladora dos contratos tipo de produtos agroalimentarios, prevé a posibilidade de prorrogar o contrato tipo agroalimentario.

De conformidade co dito artigo 9 da Lei 2/2000, do 7 de xaneiro, e co artigo 7 do Real decreto 686/2000, do 12 de maio, polo que se aproba o regulamento da Lei de homologación dos contratos tipo, correspóndelle á comisión de seguimento solicitar a prórroga da homologación.

A comisión de seguimento do contrato-tipo para a compravenda de leite cru de vaca en Galicia acordou dentro do prazo sinalado no Real decreto 686/2000, do 12 de maio, e por unanimidade, solicitar a prórroga da homologación do contrato-tipo durante dúas campañas lácteas (2009/2010 e 2010/2011).