Novas

CAMPAÑA 2020

02 / Enero / 2020

O pasado día 30 de decembro tivo lugar a presentación da nova campaña de semen 2020. O acto reuniu aos traballadores e directivos das catro africores de Galicia.

Durante o mesmo D. Jesús Vázquez, director xerente de Xenética Fontao  explicou aos asistentes a organización da empresa, así como as principais liñas de traballo que están a desenvolver, para logo dar paso D. Mauricio de los Santos, veterinario experto en xenética, que fixo un breve repaso as características dos touros incluidos na campaña 2020.

Para rematar tamén interviú D. José Antonio Jiménez, de CONAFE que aproveitou a ocasión para recordar aos asistentes a importancia da recollida da información nas explotacións, xa que aínda que coa xenómica puidesemos pensar que estos datos son menos necesarios, ocorre o contrario, cobran maior importancia e necesitamos unha maior precisión nos mesmos que nos permitan ir axustando os sistemas de predición para poder valorar cada vez máis caracteres de interés para o gandeiro e gañar fiabilidade nas probas.

En xaneiro comezará a solicitude por parte dos gandeiros en Control leiteiro de Galicia das doses de seme dentro da Campaña 2020, que organiza Xenética Fontao en colaboración coas Africores.