Lexislación · Axudas

Axudas á mellora da competitividade das explotacións leiteiras galegas

24 / Agosto / 2011

 A Conselleríado Medio Rural publicou a Orde do 12 de agosto de 2011 pola que se establecen as bases reguladoras das axudas para a mellora da competitividade das explotacións gandeiras galegas, a través da redución dos custos de produción.

As axudas reguladas nesta orde van dirixidas ao apoio a aqueles investimentos que incidan na redución de custos mediante estratexias de aforro e eficiencia enerxética nas explotacións, que minimicen a dependencia externa da enerxía, e a substitución de insumos por recursos naturais localmente dispoñibles, que permitirán incrementar a competitividade das explotacións.

Nos casos en que a documentación presentada pola persoa solicitante das axudas previstas nesta orde sexa suficiente e se reúnan os requisitos exixidos, efectuarase a cualificación da explotación como prioritaria, de acordo co establecido no Decreto 253/2008, polo que se regula o Rexistro de Explotacións Agrarias de Galicia.