AXUDAS A CALIDADE DO LEITE

22 / Marzo / 2011

Orde do 11 de marzo de 2011 pola que se establecen as bases reguladoras das axudas á implantación de sistemas de aseguramento para a mellora integral da calidade do leite cru producido e recollido nas explotacións e a súa certificación externa, e se convocan para o ano 2011.

O obxecto desta orde é establecer as bases reguladoras das axudas para a implantación das guías de prácticas correctas de hixiene en gandarías adicadas á produción de leite de vacún, ovino e cabrún. As guías serán as publicadas na páxina web do Ministerio de Medio Ambiente, e Medio Rural e Mariñ http://www.mapa.es/es/ganaderia/ganaderia.htm

Esta orde recolle dúas liñas de axuda:

Axudas para o asesoramento técnico na implantación das guías.
Axudas para a certificación externa da implantación das guías, nesta liña tamén se inclúe o proceso de asesoramento técnico previo a certificación.

Poderán beneficiarse destas axudas as centrais de compra, cooperativas e sociedades agrarias de transformación que comercialicen ou transformen leite de vaca, ovella ou cabra, e as agrupacións e asociacións de produtores de leite.

Serán custos subvencionables os seguintes:

Gastos de asesoramento técnico ao gandeiro
Gastos xerados na xestión do programa
Gastos derivados do control efectuado nas visitas realizadas polo equipo técnico
Gastos para a formación dos produtores

Os programas solicitados ao abeiro desta orde terán unha duración dun ano, dende o 1 de maio de 2011 ata a 30 de abril de 2012.

O prazo de presentación de solicitudes remata o 23 de abril de 2011.

ORDE

Enlace TVG

AFRICOR LUGO

Lexislación · Axudas

AXUDAS A CALIDADE DO LEITE

RECRIA GENÓMICA

CAMPAÑA SEME

BOLSA DE RECRÍA

Identificación bovina

ACCESOS DE INTERESE

O tempo · meteogalicia

TV, novas relacionadas coa produción de leite

Xunta de Galicia Medio Rural

Xenética Fontao

AFRICOR LUGO